Pra heta tut.by paviedamiła pradstaŭnik DAI Minskaha rajona Kaciaryna Silčanka.
Avaryja adbyłasia dniom 14 žniŭnia. 49-hadovy kiroŭca Mercedes jechaŭ pa miascovym prajeździe z boku vioski Vialikaje Ścikleva ŭ kirunku MKAD. Pavodle papiaredniaj infarmacyi, jon nie spraviŭsia z kiravańniem, źjechaŭ u pravy pa chodzie ruchu kiuviet, dzie aŭtamabil pierakuliŭsia.
Pavodle źniešnich prykmiet kiroŭca Mercedes byŭ mocna pjany. Miedycynski ahlad pakazaŭ 2,75 pramile ałkaholu. U vyniku DTZ mužčyna atrymaŭ cialesnyja paškodžańni i byŭ špitalizavany.
U DAI nahadali, što za kiravańnie aŭtamabilem u stanie ałkaholnaha apjanieńnia praduhledžana administracyjnaja adkaznaść u vyhladzie štrafu da 100 bazavych vieličyń z pazbaŭleńniem prava kiravańnia transpartnymi srodkami terminam na 3 hady, a za paŭtornaje parušeńnie na praciahu hoda - kryminalnaja adkaznaść.
