Prezident ZŠA Donald Tramp zajaviŭ, što pravaachoŭnyja orhany krainy nie paškadujuć nijakich resursaŭ dla abarony amierykanskich hramadzian. Pavodle jaho słoŭ, tyja, chto ździajśniaje akty hvałtu na hlebie nieciarpimaści, nie paźbiehnuć adkaznaści.
«Ku-kłuks-kłan, nieanacysty, prychilniki idej pra pieravahu biełaj rasy i inšyja hrupoŭki, što raspalvajuć nianaviść, ahidnyja ŭsiamu tamu, čym daražać amierykancy», — zajaviŭ prezident.
Tramp vystupiŭ z rezkim asudžeńniem «zła rasizmu» ŭ Šarłatśvile, a taksama «złačyncaŭ i inšaj šantrapy, uklučajučy KKK».
U kancy minułaha tydnia šmatlikija prychilniki ŭltrapravych idejaŭ prybyli ŭ horad Šarłatśvil u štacie Virdžynija, kab vykazać pratest suprać płanaŭ haradskich uładaŭ demantavać statuju hienierała Robierta Li — adnaho z prykmietnych udzielnikaŭ hramadzianskaj vajny ŭ ZŠA, jaki zmahaŭsia na baku Poŭdnia.
