Niepadalok ad Irkucka (RF) miadźviedź, jaki ŭtrymlivaŭsia ŭ prydarožnaj kaviarni, adkusiŭ pjanamu mužčynu ruku, kali toj sprabavaŭ pakarmić źviera zhuščonkaj, paviedamiŭ RIA «Naviny» pradstaŭnik pres-słužby HU MUS pa Irkuckaj vobłaści.
Ilustracyjnaje fota.
«15 žniŭnia ŭ dziažurnuju častku palicyi pastupiła paviedamleńnie ab terminovaj špitalizacyi 42-hadovaha mužčyny z častkovaj traŭmatyčnaj amputacyjaj pravaj ruki. Paciarpieły ŭ stanie ałkaholnaha apjanieńnia sprabavaŭ pakarmić miadźviedzia i ledź nie papłaciŭsia žyćciom», - skazaŭ surazmoŭca ahienctva.
Na terytoryi toj kaviarni ŭ kletcy siadziać try darosłyja miadźviedzi. Miascovy žychar vyrašyŭ pačastavać drapiežnikaŭ zhuščonkaj, pieralez praz aharodžu i prasunuŭ ruku sa słoikam u kletku. Adzin ź miadźviedziaŭ razam z pačastunkam adkusiŭ pałovu pravaj ruki. Na dapamohu paciarpiełamu padaśpieŭ adzin z supracoŭnikaŭ kaviarni. Jon adahnaŭ źviera, niekalki razoŭ udaryŭšy jaho pa mordzie rydloŭkaj, paśla čaho adciahnuŭ paciarpiełaha ad kletki. «Chutkaja» adviezła mužčynu ŭ balnicu.
