Kala sta tysiač kart palaka, pałovu z vydadzienych pa ŭsim śviecie, atrymali hramadzianie Biełarusi. Pra heta ŭ efiry Jeŭraradyjo paviedamiŭ Nadzvyčajny i paŭnamocny pasoł Polščy u Biełarusi Konrad Paŭlik:
«My nie pavinny stvarać mifaŭ vakoł karty palaka. Dla Polščy karta palaka - pierš za ŭsio maralnaja kampiensacyja dla byłych hramadzian Polščy, dla tych ludziej, jakija adčuvali siabie palakami, u jakich u savieckija časy było składanaje žyćcio z-za taho, što jany pryznavali siabie palakami, adkryta kazali pra svaje karani. Tamu dla nas karta palaka — svojeasablivaja maralnaja kampiensacyja hetym ludziam. Ale mušu skazać, što bolšać nie karystajecca kartaj palaka, trymaje jaje jak simvał na paličcy ŭ kuchni. Bolšaść ludziej karystajecca kartaj palaka dla taho, kab atrymać biaspłatnuju polskuju vizu, ci moładź, kab pastupić u polskuju VNU. My vydali kala sta tysiač kart palaka biełarusam, heta prykładna pałova kart, jakija my vydali pa ŭsim śviecie. Ale, pa našaj infarmacyi, niahledziačy na heta, ź Biełarusi ŭ Polšču źjechała tolki kala tysiačy čałaviek», — skazaŭ Paŭlik.
