U adnym sa staličnych adździaleńniaŭ MTBanka pastavili terminał, praź jaki možna abmianiać valutu — dalary, jeŭra i rasijskija rubli — na biełaruskija rubli, piša Tut.by.
Terminał nie daje rešty, tamu dla abmienu treba vykarystoŭvać kupiury na sumu, jakuju chočacie abmianiać. «Naprykład, skarystacca kupiuraj 100 dalaraŭ dla taho, kab abmianiać na biełaruskija rubli tolki 20 dalaraŭ, a 80 dalaraŭ atrymać u jakaści rešty, nielha. U hetym vypadku terminał abmianiaje na biełaruskija rubli ŭsie 100 dalaraŭ», — udakładnili ŭ banku.
Pry hetym u zaležnaści ad kursu terminał moža nie pryniać da abmienu banknoty vyznačanaha naminału, bo nie zmoža vydać patrebnuju sumu.
«Naprykład, pry kursie jeŭra 2,248 rubla terminał nie prymie kupiuru 10 jeŭra, bo jamu nieabchodna vydać 22,48 kapiejek, a ŭ terminale znachodziacca tolki maniety naminałam 5 i 20 kapiejek. Kali kurs źmienicca i stanie 2,245 rubla, to naminał 10 jeŭra stanie dastupny da abmienu», — tłumačać u banku
Novaja pryłada pracuje ŭ handlovym centry «Momo».
Nahadajem, padobny terminał, jaki vydaje nie tolki banknoty, ale i maniety, jašče ŭ sakaviku źjaviŭsia ŭ adnym z adździaleńniaŭ Biełarusbanka.
