Adzin z uładalnikaŭ firmy «Hranitny śviet» Ivan Bakinoŭski, jaki biaspłatna zrabiŭ pomniki.
Košt troch pomnikaŭ skłaŭ 1500 dalaraŭ.
Baćki Vasila Bykava — Uładzimier Fiodaravič i Hanna Ryhoraŭna — pachavanyja ŭ vioscy Byčki Vušackaha rajonu, dzie pražyli ŭsio žyćcio. Siastra Valancina — u vioscy Vaŭčo.
17 žniŭnia na mohiłki pryjechali adzin z uładalnikaŭ firmy «Hranitny śviet» Ivan Bakinoŭski, jaho brat, a taksama jašče siem čałaviek, siarod jakich dva valantery z Zasłaŭja.
Na mahile Valanciny Bykavaj nie było pomnika, tolki časovy kryž. Jana pamierła ŭ 2016 hodzie. A na mahiłach baćkoŭ Vasila Bykava staryja pomniki z hranitnaj kroški z časam papsavalisia.
Tamu hramadzki aktyvist Hleb Łabadzienka prapanavaŭ hramadoj sabrać hrošy na novyja, z bolš tryvałaha materyjału. Sabrali tolki 150 dalaraŭ, ich Łabadzienka pieradaŭ uładalnikam firmy «Hranitny śviet».
Zrabić i pastavić try pomniki, pavodle Ivana Bakinoŭskaha, kaštavała kala 1500 dalaraŭ.
Jon padkreśliŭ, što vyrabiŭ pomniki biaspłatna, bo ličyć heta spravaj honaru.
Sam Vasil Bykaŭ pachavany ŭ Miensku na Ŭschodnich mohiłkach.
