Forvard maskoŭskaha «Dynama» Mikita Kamaroŭ admoviŭsia vystupać za chakiejnuju zbornuju Biełarusi i nie budzie ličycca lehijanieram u KCHŁ.
Pra heta raskazaŭ hałoŭny trenier maskoŭskaha «Dynama» Uładzimir Varabjoŭ.
Kamaroŭ u siaredzinie lipienia padpisaŭ z maskoŭskim kłubam prahladavy kantrakt. Da hetaha 29-hadovy hulec vystupaŭ za minskaje «Dynama».
«Z Kamarovym padpisali paŭnavartasny kantrakt. Jon admoviŭsia vystupać za zbornuju Biełarusi, tamu nie budzie ličycca lehijanieram», - skazaŭ Varabjoŭ.
Kamaroŭ pravioŭ za zbornuju Biełarusi 26 matčaŭ, u jakich jon addaŭ try halavyja pieradačy. Forvard pryniaŭ udzieł u čempijanacie śvietu 2016 hoda ŭ Maskvie i Sankt-Pieciarburhu, dzie pravioŭ piać matčaŭ.
Raniej jon vystupaŭ za minskaje «Dynama».
Padobnaja situacyja ŭźnikała z Andrejem Stasiem paśla jaho pierachodu ŭ «Avanhard». Pa słovach hienmieniedžara kłuba Uładzimira Šałajeva, Staś ŭsio ž taki nie moža hulać za Rasiju, ale ŭ kłubie jon nie lehijanier. Funkcyjanier spasyłajecca na punkt rehłamientu KCHŁ.