Fiederalnaja słužba pa vieterynarnym i fitasanitarnym nahladzie RF (Raśsielhasnahlad) źniała ŭviedzienaje napiaredadni časovaje abmiežavańnie na ŭvoz pradukcyi troch biełaruskich pradpryjemstvaŭ, u tym liku i «Savuškava pradukta», paviedamlajecca na sajcie viedamstva.
«Fiederalnaja słužba pa vieterynarnym i fitasanitarnym nahladzie z ulikam praviedzienych pieramovaŭ ź biełaruskim bokam, a taksama harantyj namieśnika ministra sielskaj haspadarki i charčavańnia Respubliki Biełaruś - dyrektara departamienta vieterynarnaha i charčovaha nahladu A.M. Subocina adnaŭlaje prava pastavak na terytoryju Rasii pradukcyi biełaruskich pradpryjemstvaŭ:
AAT «Małočnyja horki»,
AAT «Rahačoŭski MKK»,
AAT «Savuškin pradukt»,
- havorycca ŭ paviedamleńni.
Učora «Raśsielhasnahlad» paviedamiŭ, što ad 18 žniŭnia ŭvodziacca abmiežavańni na pastaŭki ŭ Rasiju pradukcyi biełaruskaha miasnoha pradpryjemstva AAT «Vitkonpradukt» i troch małočnych, u tym liku «Savuškavaha pradukta», «u suviazi z paŭtornym vyjaŭleńniami parušeńniaŭ vieterynarna-sanitarnych patrabavańniaŭ JEAES i RF».
