Daradca amierykanskaha prezidenta pa stratehičnych pytańniach Styŭ Benan zvolnieny, paviedamiła administracyja praz try dni paśla taho, jak Donald Tramp nazvaŭ jaho «dobrym čałaviekam, nie rasistam», ale admoviŭsia naŭprost adkazać na pytańnie pra dalejšy los svajho niekali najbližejšaha daradcy, paviedamlaje Bi-bi-si.
Benan trapiŭ u niałasku paru tydniaŭ tamu, a paśla słoŭ Trampa vystupiŭ u leva-libieralnym časopisie ź intervju, u jakim nazvaŭ biełych rasistaŭ «marhinalnymi kłoŭnami» i paraiŭ svajmu bosu prycišyć vajaŭničaść na adras Paŭnočnaj Karei, a taksama pierajści ŭ nastup u «ekanamičnaj vajnie «z Kitajem.
«Kiraŭnik aparata Biełaha doma Džon Keli i Styŭ Benan pryjšli da sumiesnaha rašeńnia pra toje, što siońnia ŭ Styva apošni pracoŭny dzień», - havorycca ŭ zajavie pres-sakratara Biełaha doma Sary Chakabi Sanders.
Benan, viadomy ultrapravymi i nacyjanalistyčnymi pohladami, ličyŭsia lidaram jastrabaŭ ŭ Biełym domie i byŭ klučavym ideołaham prezidenckaj kampanii Trampa pad łozunham adradžeńnia «byłoj vieličy Amieryki».
Benan byŭ pravaj rukoj Trampa ŭ pieršyja miesiacy prezidenctva. Vorahi damahalisia jaho adstaŭki, padazrajučy strateha ŭ źlivach padrabiaznaściaŭ pra chaos i paddyvanovuju baraćbu ŭ Biełym domie.
