Anatol Pašynin (sprava). Fota:facebook.com/andriy.tsaplienko
Akcior Anatol Pašynin, jaki prasłaviŭsia pa rolach u sieryjale «Navalničnyja varoty» i kinakarcinach «Admirał» i «My z budučyni», staŭ dobraachvotnikam ukrainskaj armii. Jak paviedamiŭ na svajoj staroncy ŭ fejsbuku žurnalist Andrej Caplijenka, artyst užo miesiac vajuje ŭ zonie ATA za VSU.
— Nie dumaŭ, što budu sustrakać Dzień niezaležnaści ŭ kampanii čałavieka z varožych akopaŭ. Ale «starlej Daronin» — za nas! Zorka rasijskaha kino, hieroj kultavaha sieryjała «Navalničnyja varoty» i ŭžo miesiac jak bajec vośmaha bataljona Ukrainskaj dobraachvotnickaj armii, — havorycca ŭ poście Caplijenka.
Da zapisu žurnalist taksama prymacavaŭ fatahrafii Pašynina ź pieradavoj.
Anatol Pašynin naradziŭsia i vyras u Zaparožžy, ale paźniej źjechaŭ u Maskvu, dzie skončyŭ Vyšejšuju teatralnuju vučelniu imia M.S. Ščepkina i z 2001 hoda pačaŭ zdymacca ŭ rasijskim kino.
Hetaja historyja ŭ fejsbuku sabrała 11 tysiač łajkaŭ i bolš za 3 tysiačy pierapostaŭ.
