U suviazi sa źmienaj času pačatku zaniatkaŭ nijakaj dezaryjentacyi ŭ škołach być nie pavinna. Takoje mierkavańnie siońnia žurnalistam vykazała namieśnik načalnika ŭpraŭleńnia ahulnaj siaredniaj adukacyi Ministerstva adukacyi Iryna Karžova.
Čas pačatku zaniatkaŭ vyznačany sanitarnymi normami i praviłami. Zhodna ź imi, navučalnyja zaniatki pavinny pačynacca nie raniej 8.00, aptymalny čas pačatku vučebnych zaniatkaŭ — 9.00. Druhaja źmiena ŭ škołach pavinna pačynacca nie paźniej za 14.00 i zaviaršacca nie paźniej za 19.30. U minułym navučalnym hodzie treć ustanoŭ adukacyi pačynali zaniatki z 9.00, jašče tracina — z 8.30, astatnija — z 8.00.
«Da pačatku hetaha navučalnaha hoda było rekamiendavana miascovym orhanam ułady jašče raz praanalizavać pačatak navučalnaha dnia ŭ škołach i praduhledzieć čas pačatku vučebnych zaniatkaŭ, maksimalna adpaviadajučy sanitarnym normam i praviłam. Raskład zaniatkaŭ śćviardžajuć kiraŭniki ŭstanoŭ adukacyi sumiesna z baćkoŭskaj hramadskaściu.
Ministerstvam adukacyi było rekamiendavana pačynać navučalnyja zaniatki z 9.00 u škołach z adnoj źmienaj navučańnia, z 8.30 - u škołach, jakija pracujuć u dźvie źmieny. u lubym vypadku pavinna być uličana śpiecyfika rehijonu i pracy ŭstanovy adukacyi. Nijakaj dezaryjentacyi ŭ škołach być nie pavinna», — adznačyła Iryna Karžova.
Škoła pa-raniejšamu budzie adkryta z 8.00. Baćki, jakim nieabchodna rana pryvodzić dziaciej, zmohuć pakidać ich u škole. Ź dziećmi, u zaležnaści ad ich kolkaści, buduć arhanizavany zaniatki ź dziažurnymi nastaŭnikami, piedahohami-psichołahami abo kłasnymi kiraŭnikami.
Ruch školnych aŭtobusaŭ budzie ŭzhodnieny z raskładam pačatku vučebnych zaniatkaŭ. Plus da hetaha svoj čas z pačatkam navučalnaha dnia ŭ škołach buduć ŭzhadniać hurtki, siekcyi, a taksama centry dadatkovaj adukacyi
