Žychar Miorskaha rajona trymaŭ u niavoli na svaim padvorku kazulu, paviedamlaje sajt Dziaržinśpiekcyi pa achovie žyviolnaha i raślinnaha śvietu. Infarmacyja ab utrymańni ŭ niavoli kazuli na padvorku adnaho z žycharoŭ vioski Vałkoŭščyna pastupiła ŭ Brasłaŭskuju mižrajonnuju inśpiekcyju 24 žniŭnia.
U zahonie inśpiektary vyjavili siaholetka kazuli. «Haspadaru» jaje pieradaŭ znajomy miechanizatar AAT «Lubinova», złavili žyviołu na poli kala vioski Rumišča. Za svaje dziejańni abodvum mužčynam treba budzie adkazać pa zakonie: adnamu — za niezakonny adłoŭ kazuli z asiarodździa pražyvańnia, druhomu — za niezakonnaje ŭtrymańnie jaje ŭ niavoli. Žyvioła pieradadziena ŭ nacyjanalny park «Brasłaŭskija aziory» dla ŭtrymańnia ŭ demanstracyjnym valjery.
0
0
0
0
0
0
