fifa.com
Bielhijcy ŭ čarhovym tury hrupy H vyjhrali ŭ haściach u Hrecyi ź likam 2:1. U składzie bielhijcaŭ hały zabili Jan Viertonhien i Ramiełu Łukaku, u haspadaroŭ vyznačyŭsia paŭabaronca partuhalskaha pachodžańnia Zieka.
Paśla hetaj pieramohi Bielhija harantavała sabie pieramohu ŭ hrupie. Kamanda Rabierta Marciniesa nabrała 22 bały i ciapier na vosiem bałaŭ apiaredžvaje baśnijcaŭ. Dla vychadu na čempijanat śvietu napramuju nieabchodna było zaniać pieršaje miesca ŭ hrupie. Kamandy, jakija finišujuć druhimi, zhulajuć u stykavych matčach.
Zbornaja Bielhii stała pieršaj jeŭrapiejskaj zbornaj, jakaja prabiłasia na ČS-2018 praz kvalifikacyju. Raniej vychad na čempijanat śvietu zabiaśpiečyli sabie Brazilija, Iran, Japonija i Mieksika. Zbornaja Rasii nie prachodziła adboračny turnir jak haspadynia pieršynstva.
U našaj hrupie A na vychad na ČS pretendujuć adrazu čatyry kamandy.
Francyja — 17, Šviecyja — 16, Hałandyja — 13, Bałharyja — 12, Luksiemburh — 5, Biełaruś — 5.