«My nazirali za mierkavanymi krynicami FRB-vybliskaŭ u ramkach našaj prahramy pa pošuku śladoŭ pazaziemnaha rozumu la bližejšych zorak. Ranicaj u subotu 26 žniŭnia astranom Višał Hajdžar z univiersiteta Kalifornii ŭ Bierkli, naziraŭ za FRB 121.102 pry dapamozie teleskopa ŭ Hryn-Benks. Ahułam jamu i inšym udzielnikam prajektu ŭdałosia zafiksavać 15 novych vybliskaŭ, jakija zychodzili ad FRB 121102, što paćvierdziła, što krynica isnuje, i raskryła niekalki raniej nieviadomych jaho asablivaściaŭ», — paviedamlaje fond.
Upieršyniu pra isnavańnie tajamničych vybliskaŭ radyjovypramieńvańnia (fast radio-burst, FRB) astranomy zahavaryli ŭ 2007 hodzie, kali jany byli vypadkova adkrytyja padčas nazirańniaŭ za radyjopulsarami pry dapamozie teleskopa Parks u Aŭstralii.
Uviesnu pazaminułaha hoda navukoŭcy vyśvietlili, što krynicaj adnoj z takich FRB-vybliskaŭ była eliptyčnaja hałaktyka, raźmieščanaja ŭ 6 miljardach śvietłavych hadoŭ ad Mlečnaha Šlachu, što prymusiła ich vykazać dumku, što padobnyja vopleski naradžajucca padčas źlićcia niejtronnych zorak ci inšych kampaktnych abjektaŭ, jakija pieratvarajucca ŭ čornuju dzirku.
U dalejšym astrafiziki vyjavili, što FRB-ŭspyški paŭtarajucca, tym samym pastaviŭšy hetyja teoryi pad sumnieŭ.
Poŭny analiz vynikaŭ nazirańniaŭ budzie ŭ bližejšy čas apublikavany ŭ adnym z recenzavanych navukovych časopisaŭ.
