4 vieraśnia Barysaŭski rajonny sud prysudziŭ pravaabaroncy Natalli Haračcy troje sutak aryštu pa abvinavačańni ŭ drobnym chulihanstvie.
Pavodle prysudu sudździ Siarhieja Hierasimoviča, žančyna łajałasia matam padčas zatrymańnia na palihonie pad Barysavam.
1 vieraśnia Natalla Haračka pryjechała adviedać syna Ivana, jaki prachodzić terminovuju słužbu i ciapier znachodzicca na vajennym palihonie pad Barysavam. Tam raźmieščana častka padraździaleńniaŭ, zadziejničanych u vajskovych vučeńniach «Zachad-2017». Pavodle słoŭ žančyny, spačatku jaje zatrymali rasiejskija vajskoŭcy, a zatym pieradali biełaruskim. Apošnija, ź jejnych słovaŭ, užyvali da jaje fizyčnuju siłu, na rukach zastalisia siniaki.
Sud praihnaravaŭ śviedčańni žančyny, pavieryŭšy słovam śviedak abvinavačańnia — biełaruskim vajskoŭcam.
Paśla zatrymańnia pravaabaronca znachodziłasia ŭ izalatary časovaha ŭtrymańnia Barysava, a tamu siońnia ŭviečary maje vyjści na volu.