Biełaruskaja stalica trapiła ŭ śpis 30 krain, dzie brytanskaje vydańnie The Times rekamienduje pravieści vychodnyja. Turystam rajać pakaštavać tut mačanku i schadzić u Vialiki teatr opiery i baleta, piša Tut.by.
fota Siarhieja Hudzilina
«Stamilisia ad Paryža abo Ryma? Tady pasprabujcie pravieści vychadnyja ŭ Talinie ci Minsku — mienš čym za 250 funtaŭ sterlinhaŭ», — piša vydańnie. Tym bolš dla pajezdki ŭ Biełaruś praciahłaściu da 5 dzion možna abyścisia bieź vizy.
«Futurystyčnaja architektura pobač z savieckimi šmatpaviarchovikami i rośpisami, a taksama mnostva paślavajennych pomnikaŭ. Abaviazkova pahladzicie opieru i balet u Vialikim teatry, dzie dobryja miescy časta pradajuć mienš čym za 1 funt. Ježa tut taksama dobraja, u restaranach padajuć salanku — vostry kisły sup, i bliny ź miasnoj padlivaj [imavierna, majuć na ŭvazie mačanku]. Uviečary idzicie za miascovymi žycharami da šmatlikich taviernaŭ u niamieckim styli», — rekamiendujuć aŭtary materyjału.
Minsk zajmaje piaty radok u rejtynhu vydańnia.
U im taksama Charvatyja (harady Zadar i Puła), Makiedonija (Ochryd), Francyja (Dynar), Bałharyja (Varna, Burhas i Płoŭdziŭ), Italija (Ołbija), Słavakija (Bracisłava i Košycy), Šviecyja (Malmio), Ispanija (Chieres i Sałamanka), Danija (Orchus i Olbarh), Sicylija (Modzika), Čechija (Pardubicy), Słavienija (Piran), Rumynija (Bucharest), Narviehija (Stavanhier), Hruzija (Kutaisi), Polšča (Krakaŭ i Hdańsk), Kosava (Pryšcina), Čarnahoryja (Padhoryca), Estonija (Talin), Hiermanija (Frydrychschafen), Hrecyja (Previeza) i Vienhryja (Debrecen).
