Niaśvižskija ŭłady vyrašyli ŭstalavać na vulicach horada šyldački z histaryčnymi nazvami vulic, pra heta pieradaje miascovaja rajonka. Ale heta nie pierajmienavańnie, a prosta ŭšanavańnie histaryčnych nazvaŭ.
Namieśnik staršyni rajvykankama Michaił Afanasik paviedamlaje, što takija šyldački źjaviacca na piatnaccaci niaśvižskich vulicach — Sadovaj, Dziaržynskaha, 1 Maja, Puškina, Libniechta, Mickieviča, Marksa, Leninskaj, Biełaruskaj, Rakasoŭskaha, Čkałava, Čapajeva, Savieckaj, Hiejsika, Šymko.
Inicyjatyva naležyć niaśvižskamu rajvykankamu, jaki zacikaŭleny ŭ papularyzacyi historyi horada. «Ekskursii stanuć bolš cikavymi i nahladnymi», — kaža čynoŭnik.
Pahladzim, jak ža histaryčna nazyvalisia tyja, ci inšyja vulicy Niaśviža: 1 maja — Zadaminikanskaja, Hiejsika — Biernardynskaja, Dziaržynskaha — Albianskaja, Libniechta — Michaliskaja, Marksa — Bulvarnaja, Leninskaja — Studenckaja, Puškina — Špitalnaja, Savieckaja — Vilenskaja, Čapajeva — Daminikanskaja, Čkałava — Panienskaja, Šymko — Śvieržanskaja.