Pra supiernictva viadomych vytvorcaŭ z Kitajem
Sony kancentrujecca na premium-siehmiencie. Adroźnivajecca nie tolki koštavaja katehoryja našych tavaraŭ i tavaraŭ kitajskich vytvorcaŭ. Kali robiš akcent na premium-pradukcyi, treba prapanoŭvać vysokuju jakaść i technałohii. U kitajskich vytvorcaŭ adzin padychod da kankurencyi, u nas — inšy.
Pra adnolkavy dyzajn smartfonaŭ i noŭtbukaŭ
Vytvorcy ŭsio-tki nie ličać, što pradukty padobnyja adzin da adnaho. Ź inšaha boku, my pracujem z ahulnymi płatformami, naprykład, Android. My imkniemsia dadać niešta svajo da bazavaj technałohii, niejkija aryhinalnyja raspracoŭki i funkcyi, jakija adroźnivajuć nas ad kankurentaŭ. My zaŭsiody byli mocnyja ŭ halinie huku i vyjavy.
Pra technałohii budučyni
Virtualnaja realnaść i dapoŭnienaja realnaść vałodajuć vialikim patencyjałam. Novyja technałohii nie abmiažoŭvajucca adnoj katehoryjaj tavaru, a dazvolać pašyryć mahčymaści vykarystańnia elektroniki ŭ roznych siehmientach, pašyryć sami siehmienty rynku.
Pra supiernictva kamier u smartfonach i fotaaparatach
Šmat chto vykarystoŭvaje smartfon dla zdymki, ale ŭ smartfona jość šerah abmiežavańniaŭ: niedastatkovaje pavieličeńnie, zoom, abo jakaść malunka.
Kali dla spažyŭca važnaja jakaść zdymka, jon vybiraje fotakamieru. Pryčym nie tannuju z pačatkovaha koštavaha siehmienta, a mienavita premium-fotaaparat, jaki zabiaśpiečyć kudy bolš vysokuju jakaść malunka ŭ paraŭnańni sa smartfonam. I jość ekšn-kamiery — heta inšy padychod da zdymki, inšyja charaktarystyki.
My ž stvaryli kamieru RX0, jakaja złučaje vysokuju jakaść malunka, vialikuju matrycu i mahčymaści zdymki ŭ składanych umovach, zdymki adnačasova ź niekalkich kamier.
Pra pavieličeńnie dyjahanali televizaraŭ i ŭpłyŭ videabłohaŭ
Davajcie paličym, na što źviartaje ŭvahu pakupnik pry vybary televizara. Jakaść malunka, huk, dyzajn i zručnaść kiravańnia. Čatyry asnoŭnyja pryncypy, jakija buduć aktualnyja i ŭ budučyni.
Jość, viadoma, pakupniki, jakija vybirajuć televizar pa pamiery ekrana: dajcie mnie sa-a-a-a-my vialiki. Ale bolšaści ludziej važnyja čatyry faktary.
Moładź hladzić YouTube na smartfonie, płanšecie, kampjutary i hetak dalej. Ale mnohija hladziać videa i na vialikim ekranie. Možna adrazu padłučycca da internetu albo da vonkavych pryład, naprykład, devajsu z Google Assistant. Dziakujučy moładzi, u tym liku, u televizary pastajanna dadajucca novyja funkcyi i mahčymaści.
Pra budučyniu navušnikaŭ i śmierć Mp3-płejeraŭ
Rynak biespravadnych navušnikaŭ na ŭzdymie. Mnohija ludzi słuchajuć muzyku praz smartfon ci hladziać videa anłajn na ekranie smartfona. Tamu biespravadnyja navušniki i navušniki z šumapryhłušeńniem buduć jašče bolš papularnymi.
My paličyli, za apošnija dva hady rynak navušnikaŭ z šumapryhłušeńniem vyras na 50%!
Jość ludzi, jakija lubiać vysokuju jakaść huku i addajuć pieravahu asobnaj pryładzie dla prasłuchoŭvańnia muzyki. U minułym hodzie my pradstavili madel płejeraŭ top-uzroŭniu. Siehmient pakupnikoŭ takich pryładaŭ nie vielmi vialiki, ale hetyja ludzi chočuć mieć partatyŭnuju pryładu, jakaja budzie prajhravać jakasny huk.
Inšaja katehoryja spažyŭcoŭ ličyć za lepšaje nie słuchać muzyku praz smartfon, tamu što heta pamianšaje zarad batarei. I jany taksama vybirajuć płejer.
