Jak paviedamili «Našaj Nivie» u pres-słužbie pasolstva ZŠA ŭ Miensku, Ministerstva finansaŭ hetaj krainy źniało na šeść miesiacaŭ sankcyi suprać pradpryjemstvaŭ «Łakafarba» i «Škłovałakno».
Heta stała mahčyma paśla taho, jak aficyjny Miensk pajšoŭ na vyzvaleńnie palitviaźniaŭ. Hety krok vitaŭsia Vašynhtonam jak pazytyŭny.
Nia vyklučana, što admienaj sankcyj suprać dvuch hetych pradpryjemstvaŭ sprava nie abmiažujecca, i da kanca tydnia amerykanskija ŭłady abvieściać ab novych sastupkach u ekanamičnaj sfery. Majecca na ŭvazie razmarožvańnie rachunkaŭ «Biełnaftachimu», ale tut jašče niama kankretyki.
Nahadajem, što sankcyi suprać lidzkaj «Łakafarby» i połackaha «Škłovałakna» byli ŭviedzienyja 15 traŭnia ŭ dadatak da ekanamičnych sankcyj u dačynieńni kancernu «Biełnaftachim».
Varta adznačyć, što na pazaminułym tydni Miensk naviedvaŭ namieśnik pamočnika dziaržsakratara ZŠA ŭ spravach Eŭropy i Eŭrazii Devid Merkieł.
