Minsk źjaŭlajecca najbujniejšym pramysłovym centram Biełarusi — pradpryjemstvy stalicy vypuskajuć 16,1% respublikanskaha abjomu pramysłovaj pradukcyi, paviedamili BIEŁTA ŭ Nacyjanalnym statystyčnym kamitecie.
Biełstat paličyŭ, kolki pradukcyi vyrablałasia ŭ siarednim za sutki ŭ 2016 hodzie na minskich pradpryjemstvach: 44 t miasa i charčovych subpraduktaŭ; 27 t kaŭbasnych vyrabaŭ; 761 t naturalnamałočnaj pradukcyi (u pieraliku na małako); 66 t šakaładu, kandytarskich vyrabaŭ z šakaładu i cukru; 73 traktary dla sielskaj i lasnoj haspadarak; 451 televizar; 3 aŭtobusy; 4 tys. kv. m vaŭnianych tkanin; 22 tys. umoŭnych kavałkaŭ špaler; 11 t kaśmietyčnych srodkaŭ dla dohladu za skuraj, dekaratyŭnaj kaśmietyki; 3526 šarykavych i rolikavych padšypnikaŭ; 2706 bytavych chaładzilnikaŭ i marazilnikaŭ; 602 bytavyja pralnyja mašyny; 12 hruzavych aŭtamabilaŭ (u tym liku samazvały dla ekspłuatacyi va ŭmovach biezdarožža, aŭtamabili śpiecyjalnaha pryznačeńnia).
Udzielnaja vaha vałavoha rehijanalnaha praduktu Minska ŭ farmiravańni vałavoha ŭnutranaha praduktu Biełarusi składaje 27%.
Statystyčny ahlad padrychtavany da 950-hodździa horada
