Niekatoryja rajony horada Majami ŭ štacie Fłaryda apynulisia zatoplenymi ŭ vyniku ŭdaru trapičnaha štormu «Irma».
U ciapierašni čas ŭrahan dasiahnuŭ zachodniaha ŭźbiarežža štata, niesučy z saboj zalevy i pavodki.
Chutkaść vietru dasiahaje 175 km u hadzinu.
Finansavy rajon Majami Brykieł zatopleny, vyšynia ŭzdymu vady skłała tam kala 60 sm. Mnohija vulicy horada pieratvarylisia ŭ reki. Bolš za miljon žyłych damoŭ zastalisia biez elektryčnaści.
Ułady štata raniej rasparadzilisia ab evakuacyi kala 6,3 miljona žycharoŭ, papiaredziŭšy, što ich žyćciu pahražaje niebiaśpieka.
Urahan pavolna ruchajecca na poŭnač. Bolš jak 1,4 młn siemjaŭ zastalisia biez elektryčnaści i bolš za 100 tysiač čałaviek schavalisia ŭ śpiecyjalnych miescach.
Asablivaja niebiaśpieka pahražaje haradach Tampa i Sent-Piterśbierh. Rajon Tampa-Bej, dzie pražyvaje kala troch miljonaŭ čałaviek, nie bačyŭ takoj bury z 1921 hoda.
U Majami načalnik palicyi paviedamiŭ Bi-bi-si, što centr horada pakryty płastom vady hłybinioj 60-90 sm i što viecier parvaŭ mnostva vysakavoltnych linij.
