Elektronny padručnik u pierśpiektyvie pavinien zamianić školniku ŭsie knihi i sšytki. Jon składajecca ź dźviuch častak. Sprava ŭ jaho sensarny ekran, jaki pracuje tolki z dapamohaj ściłusa. Źleva — ekran z elektronnym čarniłam. Abodva ekrana mohuć pracavać adnačasova: naprykład, sprava školniki adkryvajuć padručnik, a źleva pišuć, malujuć schiemy i hrafiki.
Anansavałasia, što płanšet (jaki, darečy, važyć 1,5 kh!) «raspracavała hrupa vynachodnikaŭ, jakija pačali svaju pracu ŭ 2011 hodzie».
Na pryładzie, jakuju pakazali ŭ škole, napisanaja nazva — enTourage eDGe. Heta amierykanskaja kampanija, jakaja ŭ 2009 hodzie prezientavała pieršuju ŭ śviecie dvuchekrannuju panelnuju pryładu: płanšet — elektronnuju knihu, jakaja składajecca ź dźviuch častak. Dla 2009-2010 hadoŭ techničnyja charaktarystyki pryłady byli niadrennymi: 4 Hb ubudavanaj pamiaci, Wi-Fi, šeść hadzin pracy biez padzaradki, najnoŭšaja na toj čas apieracyjnaja sistema Android 2.2.1.
Na sajcie kampanii paviedamlajecca, što pryłada stała vielmi papularnaj. U masavuju vytvorčaść jana była zapuščanaja ŭ lipieni 2012 hoda.
U rasijskija škoły pastupiła mienavita hetaja viersija. Pry hetym apieracyjnaja sistema Android 2.2.1 2009 hoda i jadro Linux 2.6.34 2010 hoda na im zastalisia…
Tak płanšety zaradžajucca ŭ škole
Kupić płanšet enTourage eDGe u roźničnych kramach amal niemahčyma, bo jon nie abnaŭlaŭsia z 2012 hoda i na jaho, adpaviedna, prosta niama popytu. Pryładu ŭdałosia znajści na sajcie tavaraŭ ź Niamieččyny Mercatos za 38 jeŭra (88 rubloŭ). Na amierykanskim servisie eBay płanšet možna kupić jašče tańniej - za 30 dalaraŭ (58 rubloŭ).
Košt pryłady, jakaja pastupiła ŭ śviardłoŭskija škoły, aceńvajecca «bolš čym na 20 tysiač rasijskich rubloŭ» (670 biełaruskich rubloŭ).
Takim čynam, košt płanšetaŭ u 10 razoŭ pieravyšaje realny rynačny košt.
Miž tym, centr kupiŭ dla ekśpierymientu 8 tysiač płanšetaŭ.
