Pieramohu na vybarach u Stortynh — adnapałatny parłamient Narviehii, — jakija prajšli ŭ paniadziełak, śviatkuje Pravacentrysckaja kaalicyja pad kiraŭnictvam lidara Kansiervatyŭnaj partyi (Chiojre) Erny Sulbierh, jakaja atrymlivaje 89 z 169 miescaŭ u parłamiencie. Apracavana 95% biuleteniaŭ.
Dla stvareńnia kaalicyi Chiojre i jaje partnioru, kansiervatyŭna-libieralnaj Partyi prahresu, nieabchodnaja padtrymka Chryścijanskaj narodnaj partyi i libieralnaj partyi «Vienstre».
Praŭda, najbolšuju kolkaść hałasoŭ, jak i na papiarednich vybarach u 2013 h., atrymali sacyjał-demakraty z Rabočaj partyi (27,5%), abo 79 miescaŭ. Adnak staršynia partyi Jonas Har Store znoŭ nie zmoža sfarmavać urad, bo nie budzie vałodać bolšaściu ŭ parłamiencie.
Ułasna partyja Chiejre zaniała druhoje miesca z vynikam u 25,1%. Na trecim miescy Partyja prahresu, jakaja atrymała kala 15,3 pracentaŭ hałasoŭ. Ale ŭ ich budzie bolšaść.
Jak paviedamlaje karespandent «NN», vybary prajšli vielmi spakojna. Ni tradycyjnych tabie dla niekatorych krain Uschodniaj Jeŭropy «karusielaŭ», ni ŭkidaŭ biuleteniaŭ.
Stortynh u Narviehii źjaviŭsia 200 hadoŭ tamu, u 1814 hodzie, a Chiojre (Kansiervatyŭnaja partyja) zasnavana ŭ 1884-m. Biełaruskija palityki ŭ hety čas, u 1884-m, tolki naradžalisia.
