Alimpijski čempijon Piekina-2008 u ciažkaj atletycy Andrej Aramnaŭ, jaki pracuje ź dziećmi ŭ Barysavie, u intervju karespandentu «Priessboła» raspavioŭ pra staŭleńnie da futbolnaha BATE.
— BATE dahetul ličycie kankurentam?
— Ja alimpijski čempijon, rekardsmien. Mianie ŭsie viedajuć. A što takoje BATE? Ni zavod, ni kamandu nie viedajuć. Tym bolš futboł nie sport, a biznes. Nas z BATE paraŭnoŭvać nielha. Jany biznesmieny, niachaj zarablajuć hrošy, a ja zajmajusia sportam. Navat nie liču patrebnym havaryć pra BATE. Moj kankurent — heta tolki štanha. Darečy, u dziacinstvie ja hulaŭ u futboł u dvary. Hulaŭ drenna. Zatoje dobra stajaŭ u bramie.
Pieraliču maje tytuły, jakija ŭ Biełarusi nie šanujuć. Ja samy mocny 20-hadovy junijor za ŭsiu historyju ciažkaj atletyki. Ja samy mocny čałaviek na Ziamli hetaha tysiačahodździa. Dumaju, ciažkaja atletyka — toj vid sportu, pa jakim možna rabić takija vysnovy. Liču, ja vialiki čałaviek. Ale ŭ majoj krainie mianie nie šanujuć. Praściej było zrabić ź mianie antyhieroja, čym dać ryčahi, kab navieści paradak, - skazaŭ Aramnaŭ.
