Źmieny ŭ vybary rektaraŭ, bolšaja aŭtanomija ŭniviersitetaŭ, mahčymaść uviadzieńnia ŭstupnych ispytaŭ abo padaŭžeńnia zavočnaha navučańnia na adzin siemiestr źjaŭlajucca tolki niekatorymi prapanovami pa reformie vyšejšaj adukacyi ŭ Polščy. Zakonaprajekt pradstaŭnikoŭ VNU z usioj Polščy prezientavaŭ padčas źjezda ŭ Krakavie vice-premjer-ministr Jarasłaŭ Hovin, paviedamlaje Radyjo Polšča.
Ministr navuki vykazaŭ nadzieju, što najlepšyja polskija univiersitety adnoviać ustupnyja ispyty na prestyžnych kirunkach.
«Adbor studentaŭ tut pavinien prachodzić bolš staranna. Na našu dumku, u pracesie naboru taksama pavinny prymacca pad uvahu vyniki vypusknych školnych ekzamienaŭ», — skazaŭ jon.
Pa słovach ministra, źmianieńni taksama zakranuć pryvatnyja VNU. Zhodna z prapanovami, siarod inšaha, studenty takich univiersitetaŭ zmohuć kampiensavać pamier padatkaabkładańnia.
Kala 7 tysiač pradstaŭnikoŭ akademičnaj supolnaści byli ŭciahnutyja ŭ padrychtoŭku reformy. Zakonaprajekt budzie abmiarkoŭvacca da śniežnia. Zhodna z płanami Jarasłava Hovina, reforma pavinna ŭstupić u siłu z nastupnaha navučalnaha hoda, heta značyć z kastryčnika 2018 hoda.
