Hrupa pavukoŭ vidu S. dumicola
Pavuki Stegodyphus dumicola žyvuć u vialikich hrupavych hniozdach. Razam jany łoviać zdabyču, abaraniajuć hniazdo i kłapociacca pra maładych surodzičaŭ.
Žyvuć jany ŭsiaho tolki hod, tamu sparvacca i adkładać jajki mohuć tolki adzin raz u žyćci.
U chodzie nazirańniaŭ navukoŭcy vyśvietlili, što kala 60% samak hetaha vidu nikoli nie sparvajucca, kab dapamahčy svaim siostram dahladać za jajkami. Pry hetym cnatlivyja samki nie tolki dapamahajuć vyroščvać maleńkich pavučaniat, ale i dazvalajuć svaim «plamieńnikam» i «plamieńnicam» siabie źjeści.
«Čym bolš kopij hienaŭ pieradasca nastupnamu pakaleńniu, tym lepš, tamu addača cieła na źjadzieńnie — całkam razumnaje evalucyjnaje rašeńnie», — paviedamiŭ aŭtar daśledavańnia Džonatan Pruit.
Vierahodna, umovy navakolnaha asiarodździa taksama prymušajuć samak pavukoŭ pavodzić siabie padobnym čynam. «Pavuki S. dumicola žyvuć u zasušlivych łandšaftach, pustyniach, dzie ciažka zdabyć ježu. Samka, achviarujučy saboj, nie daje maładomu pakaleńniu pamierci z hoładu», — adznačyŭ Pruit.
