22-24 vieraśnia prajekt «Biełaruskija ŭikiendy» pry padtrymcy velcom i «Atłant Telekam» prezientuje znakamity film «Forest Hamp» u biełaruskaj ahučcy.
«Forest Hamp» — dobry, śmiešny i sumny film — samaja paśpiachovaja praca znakamitaha režysiora Robierta Ziemiekisa. Stužka atrymała 36 roznych uznaharod, u tym liku 6 statuetak «Oskar». Historyja Foresta Hampa — heta adnačasova i historyja ŭsiaho amierykanskaha hramadstva druhoj pałovy XX stahodździa. U toj ža čas žyćcio hałoŭnaha hieroja, jakoje možna apisać biblijnaj frazaj «budźcie jak dzieci», adkryvaje nam niečakanuju praŭdu pra samich siabie. Niadziŭna, što sam film i jaho piersanažy stali lehiendarnymi — jak i znakamitaje «Biažy, Forest, biažy!».
Darečy, u tym, što bieh moža pieratvarycca ŭ sposab vyrašeńnia aktualnych prablem — nie tolki žyćciovych, ale i hramadskich, — pierakanaŭča śviedčyć prykład bujnoha sacyjalna značnaha prajekta — velcombegom. Pierad premjernym pakazam načalnik adździeła karparatyŭnych kamunikacyj kampanii velcom Viačasłaŭ Śmirnoŭ padzielicca z aŭdytoryjaj cikavym vopytam realizacyi masštabnaha sacyjalnaha prajekta.
Film «Forest Hamp», ahučany na biełaruskuju movu najlepšymi biełaruskimi akciorami, budzie prezientavany ŭ staličnym kinateatry «Maskva» 22-24 vieraśnia.
Padrabiaznaści na kinakong.by. Kvitki na sieansy možna nabyć u kasach kinateatra i na bycard.by.
