Na čyhunačnaj stancyi Vierajcy pad Asipovičami pačałasia pahruzka rasijskaj vajskovaj techniki, jakaja była zadziejničanaja ŭ rasijska-biełaruskich vučeńniach «Zachad-2017» na palihonie Asipovicki, paviedamlaje Radyjo Svaboda.
21 vieraśnia na stancyi Vierajcy, što za 10 kiłamietraŭ ad palihonu «Asipovicki», zahružajuć ešałon z rasijskaj vajskovaj technikaj. Na stancyi kala 50 tankaŭ roznaj madyfikacyi. 37 ź ich užo pahružanyja.
Źviezieny da techniki z ryštunkam i kardonnymi karobkami asabovy skład sałdat. Hruziać techniku pad daždžom. Usia technika biez apaznavalnych znakaŭ (aproč numaroŭ) i biez achovy.
Pavodle miascovych žycharoŭ, technika z palihona, na jakim prachodzili rasijska-biełaruskija vučeńni «Zachad-2017», prybyła svaim chodam napiaredadni nadviačorkam. Pahruzka praciahvajecca bolš za 12 hadzin.
