Paśla paśpiachovych hastrolaŭ pa Paŭnočnaj i Paŭdniovaj Amierycy, Mieksicy i Jeŭropie brytanski rok-muzyka Stynh pad zachoplenyja vodhuki prychilnikaŭ i krytykaŭ praciahvaje pakarać novyja harady i krainy. Napieradzie šou ŭ Aŭstryi, Estonii, Rasii, Litvie, Polščy, Vienhryi, Makiedonii, Ukrainie i Biełarusi. Novaja prahrama, a taksama lubimyja chity i enierhija, jakaja ź pieršaha akorda zachoplivaje duch i abjadnoŭvaje hledačoŭ u adno cełaje, — usio heta 8 kastryčnika na scenie «Minsk-Areny».
Dvanaccaty studyjny albom i pieršaja za apošnija 10 hadoŭ rok-kružełka «57th & 9th» pabačyła śviet 11 listapada 2016 hoda. Niezvyčajnuju nazvu albom atrymaŭ dziakujučy skryžavańniu dźviuch vulic — piaćdziasiat siomaj i dziaviataj — kožny dzień pa darozie ŭ studyju Stynh prachodziŭ mienavita mima hetaha skryžavańnia. Usiaho na dysku 10 piesień, i kožnaja ź ich adkryvaje šmathrannaść stylaŭ Stynha: ad drajvovaha i dziorzkaha ŭ pieśni «I Can't Stop Thinking About You» da miełanchaličnaha i ŭchvalnaha ŭ «50, 000».
Ideja płaścinki naležyć mieniedžaru artysta Marcinu Kiršenbaumu. Darečy, albom byŭ zapisany litaralna za niekalki tydniaŭ pry ŭdziele Daminika Milera i Łajła Uorkmiena (hitara), Vini Kołajuta (udarnyja), bubnača Džoša Fryza (Nine Inch Nails, Guns n' Roses), a taksama ŭdzielnikaŭ kamand «Last Bandoleros» i «Tex-Mex» z San-Antonia.
Stynh adnosicca da tych artystaŭ, jakija pastajanna šukajuć siabie i ekśpierymientujuć. Vychadu novaha alboma «57th & 9th» prychilniki čakali jak nikoli: dziva što, bo Stynh viarnuŭsia da staroha dobraha roku. «Heta šou zasłuhoŭvaje znaka pašany», — piša «The Telegraph» (Vialikabrytanija). A vydańnie «Alto Voltaje» (Puerta-Ryka) śćviardžaje: «Stynh nie prosta vykanaŭca, jaki pryjazdžaje, kab zładzić šou. Jon — artyst, jaki pryjazdžaje, kab stvarać mastactva na scenie». Na «Minsk-Arenie» źbiarecca vyklučny skład muzykaŭ: hitaryst Daminik Miler, Džoš Fryz (udarnyja), Rufus Miler (hitara), akardeanist Piersi Kardan. Śpiecyjalny hość — Džo Samnier.
Za svaju bolš čym 40-hadovuju karjeru na rachunku artysta bolš za paŭsotniu ŭznaharod: 16 statuetak Grammy, 25 uznaharod American Music Awards, MTV Music Awards, «Załaty hłobus» za saŭndtrek da filma «Kiejt i Lea» i mnohija inšyja. Stynh — kamandor ordena Brytanskaj Impieryi, kavaler francuzskaha ordena Mastactvaŭ i litaratury, a taksama ŭładalnik hanarovaj uznaharody centra mastactvaŭ imia Džona Kenedzi. Jon trojčy naminavaŭsia na Oskar u katehoryi «Najlepšaja pieśnia da filma», a na «Alei Słavy» ŭ Halivudzie možna dakranucca da zorki śpievaka.
Tur arhanizavany pramoŭtaram Live Nation pry padtrymcy Cherrytree Management i RZO Entertainment.
Košt kvitkoŭ: fan-zona — 190 rub, tancplac — 140 rub, siektara — 90—300 rub.
Bilety možna nabyć na sajcie allstars.by, u biletnych apierataraŭ, a taksama ŭ kasach horada.
Daviedki pa telefonach: +375 29 650 11 33, +375 29 763 11 11
