Ziemlatrus mahnitudaj 3,4 zafiksavany na paŭnočnym uschodzie Paŭnočnaj Karei, paviedamili kitajskija ŭłady. Jany aścierahajucca, što pryčynaj ziemlatrusu mahło stać čarhovaje vyprabavańnie zbroi ŭ KNDR, piša VVS.
Pavodle papiarednich danych, ziemlatrus adbyŭsia niedaloka ad paŭnočnakarejskaha jadziernaha palihona. Kitajskija siejsmołahi paviedamili ab «mahčymym vybuchu».
Adnak Paŭdniovaja Kareja adznačaje, što ziemlatrus, imavierna, adbyŭsia pa naturalnych pryčynach.
3 vieraśnia Paŭnočnaja Kareja praviała šostaje jadziernaje vyprabavańnie. U adkaz Rada biaśpieki AAN pryniała rezalucyju ab novych sankcyjach u dačynieńni da KNDR.
Heta dziaviaty pakiet abmiežavalnych mier z 2006 hoda, kali KNDR zrabiła svajo pieršaje padziemnaje vyprabavańnie jadziernaj pryłady.
