U paniadziełak u sudzie Pieršamajskaha rajona Minska pačaŭsia razhlad spravy ab damoŭnych matčach, jakija byli vyjaŭleny ŭ biełaruskim futbole ŭ minułym hodzie.
Były futbalist Juryj Syrakvaška rastłumačyŭ, jak ź im raspłacilisia ŭkrainskija partniory, «jakija arhanizavali» damoŭny matč «Pramień» — «Ašmiany». Pa słovach Syrakvaški, dla zabieśpiačeńnia patrebnaha vyniku «Pramień» pavinien byŭ prajhrać pieršy tajm, ale vyjhrać matč. Syhrała tolki pieršaja z hetych padziej, za što abvinavačany atrymaŭ ad ukrainskaha pradstaŭnika 2 tysiačy dalaraŭ.
«Pa darozie dadomu na aŭtamabili ŭbačyŭ, što zatrymlivajuć futbalistaŭ «Ašmianaŭ». U vyniku zapanikavaŭ, razumieŭ, što ŭ mianie na rukach hrošy. Ich u vyniku zakapaŭ u lesie.
Čamu padčas śledčych mierapryjemstvaŭ pra ich nie ŭspaminaŭ? Zabyŭsia. Nie dumaŭ tady pra niejkija hrošy, pra niejkija vyhody. Navat nie pamiataju ni miesca, ni kiłamietr, dzie pakinuŭ hetuju sumu», - raspavioŭ Syrakvaška padčas sudovaha pasiedžańnia, paviedamlaje Priessboł
