Kiraŭnik Raskamnahladu Alaksandr Žaraŭ zajaviŭ, što Facebook u 2018 hodzie pavinien pačać zachoŭvać piersanalnyja danyja rasijskich karystalnikaŭ na terytoryi Rasii, jak taho patrabuje zakon, paviedamlaje VVS. U advarotnym vypadku resurs budzie zabłakavany, pryhraziŭ jon.
«Zakon abaviazkovy dla ŭsich. U lubym vypadku my ci damožamsia taho, kab zakon byŭ vykanany, abo kampanija spynić pracavać na terytoryi Rasijskaj Fiederacyi, jak, na žal, adbyłosia z LinkedIn. Tut vyklučeńniaŭ niama», — skazaŭ Žaraŭ.
Pa słovach kiraŭnika Raskamnahladu, u viedamstvie ŭśviedamlajuć, što «Facebook maje značnuju kolkaść karystalnikaŭ na terytoryi Rasijskaj Fiederacyi». «Ź inšaha boku, my razumiejem, što heta nie ŭnikalny servis, jość i inšyja sacyjalnyja sietki», — praciahnuŭ jon.
Žaraŭ nahadaŭ, što pradstaŭniki inšaj sacyjalnaj sietki, Twitter, užo paznačyli termin łakalizacyi piersanalnych danych — siaredzina 2018 hoda. «Da hetaha momantu my jaje praviarać nie budziem. A paśla hetaha momantu — adrazu i pravierym», — paabiacaŭ kiraŭnik Raskamnahladu.
