U vieraśni mietrabudaŭcy raspačali pabudovu jašče troch stancyj 3-j linii Minskaha mietrapalitena — «Aeradromnaja», «Niemaršanski Sad» i «Słucki Haściniec».
U ciapierašni čas idzie inžyniernaja padrychtoŭka terytoryi.
Pra heta, jak pieradajuć «Minsk-Naviny», paviedamiŭ na apieratyŭnaj naradzie ŭ Minharvykankamie načalnik KUP «Dyrekcyja pa budaŭnictvie Minskaha mietrapalitena» Pavieł Carun.
Praciahvajecca budaŭnictva pieršaha puskavoha kompleksu, u jaki ŭvachodziać 4 stancyi: «Kavalskaja Słabada», «Vakzalnaja», «Płošča Franciška Bahuševiča» i «Jubilejnaja płošča».
«Budaŭniča-mantažnyja pracy ŭ adpaviednaści z hrafikam płanujecca zaviaršyć da kanca 2019 h., — udakładniŭ Carun. — Na dźviuch stancyjach — «Kavalskaja Słabada» i «Vakzalnaj» — užo viaducca azdablenčyja raboty».
Pracy na ŭsim praciahu 7 stancyj arhanizavanyja ŭ trochźmiennym režymie i biez vychadnych dzion.