Były kancler FRH Hierchard Šroder abrany staršynioj rady dyrektaraŭ rasijskaha dziaržaŭnaha naftavaha kancerna «Rośniefť». Adpaviednaje rašeńnie było pryniataje ŭ piatnicu ŭ Sankt-Pieciarburhu. Da Šrodera hetuju pasadu zajmaŭ pamočnik prezidenta Rasii Andrej Biełavusaŭ, paviedamlaje DW.
Abrańnie Šrodera budzie spryjać raźvićciu jeŭrapiejskaha biznesu kampanii, pašyreńniu prysutnaści ŭ Jeŭropie i supracoŭnictvie pamiž RF i FRH, zajaviŭ raniej kiraŭnik «Rośniefti» Ihar Siečyn. Pa jaho słovach, Šroder «uvajšoŭ u historyju jak samy łajalny pa dačynieńni da Rasii niamiecki lidar, dziakujučy jaho namahańniam zaklučanyja bujnyja ździełki pamiž Rasijaj i Hiermanijaj».
Zachodniaja Jeŭropa źjaŭlajecca klučavym partnioram Rasii, «Rośniefť» stała najbujniejšym pastaŭščykom nafty ŭ Hiermaniju — 22,5 młn. ton u hod, nahadaŭ kiraŭnik «Rośniefti».
ES uvioŭ sankcyi suprać «Rośniefti» ŭ suviazi z rasijskaj anieksijaj Kryma ŭ 2014 hodzie. Rašeńnie Šrodera uvajści ŭ kiraŭnictva rasijskaha kancerna raniej rezka raskrytykavali srodki masavaj infarmacyi i viadučyja palityki Hiermanii. «Jon padryvaje sankcyi, jakija ŭvioŭ Jeŭrapiejski Sajuz. Heta vielmi sumnaja situacyja», — zajaviła kancler FRH Anhieła Mierkiel 3 vieraśnia. «Heta drenna. Ja liču, što Hierchard Šroder nie pavinien byŭ hetaha rabić», — skazaŭ u toj ža dzień staršynia SDPH Marcin Šulc.
