U niadzielu viarchoŭny archijepiskap Ukrainskaj hreka-katalickaj carkvy Śviatasłaŭ Šaŭčuk słužyć Śviatuju Liturhiju ŭ Minsku. Nabaženstva pačałosia 1 kastryčnika a 10.00 u centry śviatoha Jazepa na vuł.Ardžanikidze, 6 (mietro «Aŭtazavodskaja»).
Upieršyniu ŭ historyi kiraŭnik Ukrainskaj hreka-katalickaj carkvy ŭznačaliŭ słužby ŭ biełaruskaj stalicy. U pačatku XX st. mitrapalit Andrej Šaptycki pryjazdžaŭ u Biełaruś nielehalna, kab acanić situacyju ŭ tahačasnaj Rasijskaj impieryi.
47-hadovy kiraŭnik Ukrainskaj hreka-katalickaj carkvy znachodzicca ŭ Minsku dla ŭdziełu ŭ Radzie Kanfierencyi biskupaŭ Jeŭropy. Usiaho ŭ relihijnym forumie biaruć udzieł pradstaŭniki 45 krain.
0
0
0
0
0
0
