Aciaplalny siezon dla pieršaj hrupy spažyŭcoŭ ciapła, da jakoj naležać miedycynskija ŭstanovy, abjekty sacyjalnaha zabieśpiačeńnia, škoły i daškolnyja navučalnyja ŭstanovy, muziei, dziaržaŭnyja archivy i biblijateki, pačniecca 3 kastryčnika, paviedamili ahienctvu «Minsk-Naviny» u Minharvykankamie.
Jak raspaviała načalnik upraŭleńnia haradskoha haspadarki i enierhietyki Minskaha harvykankama Maryna Małajeva, takoje rašeńnie pryniataje 2 kastryčnika zychodziačy ź isnujučych umoŭ nadvorja i prahnozu nadvorja.
Nahadajem, zhodna z TKP-388-2012 uklučeńnie sistem aciapleńnia abjektaŭ robicca ŭ niekalki etapaŭ. Pieršymi ciapło pačynajuć atrymlivać miedycynskija ŭstanovy, abjekty sacyjalnaha zabieśpiačeńnia, škoły i daškolnyja navučalnyja ŭstanovy, muziei, dziaržaŭnyja archivy i biblijateki. Tam batarei stanoviacca ciopłymi, kali siaredniesutačnaja tempieratura pavietra na vulicy na praciahu 5 dzion trymajecca na ŭzroŭni +10°S i nižej. Pry siaredniasutačnaj tempieratury na praciahu 5 sutak +8°C i nižej ciopła robicca ŭ žyłfondzie, internatach, haścinicach, navučalnych ustanovach. Treciaja hrupa spažyŭcoŭ — hramadskija, administracyjnyja budynki, pramysłovyja pradpryjemstvy i inšyja abjekty. Tudy padavać ciapło pačynajuć pa ŭzhadnieńni z enierhazabieśpiačalnaj arhanizacyjaj pry ŭmovie najaŭnaści pašparta hatoŭnaści abo akta pravierki hatoŭnaści da raboty ŭ asieńnie-zimovy pieryjad nazvanych abjektaŭ, zarehistravanych u orhanie Dziarženierhanahladu, i paśla pačatku aciapleńnia žyłych damoŭ.
