Śledčym upraŭleńniem SK pa Minsku zavieršana rasśledavańnie kryminalnaj spravy ab vykarystańni ŭlikovych zapisaŭ karystalnikaŭ skajpa ŭ machlarskich metach, paviedamlaje pres-słužba SK.
Uradženiec Śvietłahorska, 1994 hoda naradžeńnia, ź lutaha 2016 pa luty 2017 hoda, zmoviŭšysia z zamiežnym hramadzianinam, nabyŭ na śpiecyjalizavanych forumach źviestki bolš čym pra 17 tys. ulikovych zapisaŭ karystalnikaŭ skajpa i paroli dostupu.
Dla adboru pierśpiektyŭnych, na ich dumku, ulikovych zapisaŭ jany ažyćciavili niesankcyjanavany dostup da kampjutarnaj infarmacyi karystalnikaŭ ulikovych zapisaŭ dla nastupnaha vyvučeńnia ich źmiestu.
U dalejšym abvinavačanyja zabłakavali šerahu karystalnikam dostup da akaŭntaŭ. Vystupiŭšy ad imia ŭładalnikaŭ ulikovych zapisaŭ, jany adpravili kantaktam tekstavyja paviedamleńni z prośbaj pazyčyć hrašovyja srodki i pieravieści ich na nazvanyja kart-rachunki, adkrytyja ŭ roznych bankach, elektronnyja kašalki i elektronnyja rachunki.
U chodzie rasśledavańnia ŭstanoŭlena bolš za 40 hramadzian Biełarusi i inšych krain, što paciarpieli ad dziejańniaŭ złačyncaŭ.
Dziejańni 23-hadovaha mužčyny kvalifikavanyja śledstvam pa č. 2 art. 349 (niesankcyjanavany dostup da kampjutarnaj infarmacyi), č. 1 art. 14, č. 1 art. 351 (zamach na naŭmysnaje błakavańnie kamputarnaj infarmacyi), č. 1 art. 14, č. 2 art. 209 (zamach na machlarstva) Kryminalnaha kodeksa Respubliki Biełaruś.
Da jaho ŭžytaja miera strymańnia ŭ vyhladzie zaklučeńnia pad vartu.