Čaćviora rasijan pad vyhladam sacrabotnikaŭ abakrali piensijaniera ŭ Breście, paviedamili BIEŁTA va UUS abłvykankama.
Incydent adbyŭsia 26 vieraśnia. U AUS administracyi Maskoŭskaha rajona źviarnuŭsia sastareły žychar Bresta 1931 hoda naradžeńnia. Mužčyna paviedamiŭ, što nieviadomyja, zajšoŭšy ŭ jaho kvateru pad vyhladam sacyjalnych rabotnikaŭ, vykrali hrošy ŭ sumie 6,5 tysiač rubloŭ. Chutka padazravanyja ŭ ździajśnieńni złačynstva byli zatrymanyja. Imi akazalisia čaćviora žycharoŭ Varoniežskaj i Smalenskaj abłaściej. Vykradzienyja hrošy kanfiskavanyja i viernutyja ŭładalniku.
Milicyja ŭ čarhovy raz źviartaje ŭvahu pažyłych ludziej na nieabchodnaść vykanańnia mier zaściarohi. Kab nie stać achviaraj machlaroŭ, nie treba puskać u dom čužych. Kali hości, jakija pradstaŭlalisia rabotnikami sacyjalnych, žyllova-ekspłuatacyjnych i inšych słužbaŭ, usio ž uvajšli, treba zapatrabavać u ich dakumienty. Pry admovie pakazać dakumienty varta paviedamić pra vizicioraŭ u milicyju pa telefonie 102.
