U kancy vieraśnia adbyłosia pasiadžeńnie Vyšejšaj atestacyjnaj kamisii, na jakim byŭ zaćvierdžanyja rašeńni savietaŭ pa abaronie dysiertacyj ab prysudžeńni navukovaj stupieni kandydata navuk Dźmitryju Abielskamu, paviedamlaje »Biełaruski partyzan».
Ciapier syn Iryny Abielskaj nie prosta aftalmołah-chirurh, a kandydat miedycynskich navuk.
Abielski abaraniaŭsia 6 červienia ŭ Biełaruskaj miedycynskaj akademii paśladypłomnaj adukacyi. Dźmitryj pracuje ŭ adździaleńni łaziernaj mikrachirurhii voka UAZ «10-ja HKB». Jon praktykujučy chirurh, śfiera jaho prafiesijnych intaresaŭ — aftalmachirurhija z užyvańniem łaziernych technałohij, refrakcyjnaja chirurhija.
Dźmitryj vučyŭsia ŭ licei BDU, byŭ u adnym kłasie z małodšaj dačkoj eks-rektara BDU Alaksandra Kazulina. Z adznakaj skončyŭ lačebny fakultet Biełaruskaha dziaržaŭnaha miedycynskaha univiersiteta. Prajšoŭ navučańnie ŭ aśpirantury pa aftalmałohii na bazie BiełMAPA. Uvachodzić u Radu maładych navukoŭcaŭ — kiruje navukovym adździełam.
«Što buło, to buło»: baćku Iryny Abielskaj pry Stalinu asudzili na 25 hadoŭ za «antysavieckuju dziejnaść»
