Jeŭrapiejski parłamient źviarnuŭsia da Katałonii z zaklikam nie abviaščać niezaležnaść. Na plenarnym pasiadžeńni ŭ Strasburhu adbyłasia dyskusija na temu niadzielnaha refierendumu ab adździaleńni hetaj aŭtanomnaj vobłaści ad Ispanii, paviedamlaje Radyjo Polšča.
Pasiadžeńnie Jeŭraparłamienta pačałosia z vystupleńnia namieśnika staršyni Jeŭrakamisii Fransa Cimiermansa, u jakim jon padtrymaŭ ispanskija ŭłady. Pa jaho słovach, Katałonija praihnaravała zakon, arhanizavaŭšy refierendum.
«Abaviazak kožnaj krainy — abaraniać viaršenstva prava, što časam patrabuje prymianieńnia adpaviednaj siły», — rastłumačyŭ namieśnik kiraŭnika Jeŭrakamisii. Jon z žalem, adnak, prakamientavaŭ padziei niadzieli, padkreśliŭšy, što hvałtam prablemu nie vyrašyć.
U chodzie dyskusii deputaty Jeŭrapiejskaha parłamienta zaklikali baki kanfliktu da adzinstva i dyjałohu. Mnohija parłamientaryi adznačyli vysokuju ryzyku razvału Ispanii i zaklikali Katałoniju nie abviaščać niezaležnaść u adnabakovym paradku.