Kamanda startapa MIMICA na čale ź mikrachirurham Chalidam Rustamavym pracuje nad mabilnym dadatkam, jaki ŭžyvaje technałohiju dapoŭnienaje realnaści dla efiektyŭnaj reabilitacyi pacyjentaŭ z paraličam tvaru. Hety virtualny instruktar moža dapamahčy tysiačam ludziej z usiaho śvietu adnavić parušanuju ŭ vyniku pieraniesienaj chvaroby abo traŭmy mimiku tvaru i znoŭ pačać uśmichacca.
Doktar Chalid Rustamaŭ daśleduje mikrachirurhiju paraliču tvaru i ŭ svajoj praktycy pastajanna sutykajecca z prablemami realnych pacyjentaŭ, u jakich u vyniku papiarednich apieracyj, miechaničnaha paškodžańnia abo pieraniesienaha zachvorvańnia abiezruchoŭlenaja adna pałova tvaru.
Sučasnaja miedycyna dazvalaje damahčysia častkovaha adnaŭleńnia ruchaŭ pry paraličy tvaru z dapamohaj roznych chirurhičnych apieracyj, ale adnym z samych pryncypovych etapaŭ lačeńnia źjaŭlajecca reabilitacyja. Šmat u čym jaje pośpiech zaklučajecca ŭ admysłovaj mimičnaj himnastycy. Pacyjent, jaki prachodzić reabilitacyju doma, nie zaŭsiody moža pravilna vykonvać patrebnyja praktykavańni i vykonvać ich rehularnaść. Jamu brakuje žyvych znosin z doktaram, mahčymaści kantralavać svoj prahres bieź vizitaŭ u miedustanovu dla fota- i videarehistracyi paślaapieracyjnych źmienaŭ.
Kala hoda Chalid vynošvaŭ ideju pra toje, jak aŭtamatyzavać addalenuju reabilitacyju i zrabić sam praces bolš efiektyŭnym. Kančatkovaja kancepcyja sfarmavałasia na adnym ź minskich navukovych chakatonaŭ.
Užo bolš za try miesiacy kamanda startapa pracuje nad mabilnym dadatkam ź interaktyŭnym AR-trenažoram mimiki. Vizualny trekier prahresu reabilitacyi dazvalaje pacyjentam z paraličam tvaru pravilna rabić mimičnuju himnastyku, kantralavać rehularnaść praktykavańniaŭ i damahacca vynikaŭ. Akramia taho, karystalnik atrymlivaje dostup da čatu sa svaim lekaram, rekamiendacyj pa zachvorvańni (u tym liku i paślaapieracyjnych), dziońnika, kalendara kansultacyj.
Kamanda stała rezidentam niadaŭna stvoranaha biznes-inkubatara BDUIR, praciahvaje ŭdzielničać u roznych spabornictvach i startap-bitvach, zajmaje pryzavyja miescy. Dziakujučy pieramozie ŭ łakalnym etapie spabornictvy Startup Battle, atrymała mahčymaść udzielničać u The Intercontinental Startup Battle, jaki projdzie 13—17 listapada 2017 u Silikonavaj dalinie ŭ San-Francyska. Zaraz chłopcy źbirajuć srodki na pajezdku z dapamohaj kraŭdfandynhu. I kožny z vas moža dapamahčy im zrabić tak, kab u śviecie było jak maha mienš ludziej, jakija nie mohuć ŭśmichacca.
