Viciebskim haradskim adździełam Śledčaha kamiteta zavieršanaje rasśledavańnie kryminalnaj spravy ŭ dačynieńni da žychara Novałukomla Čašnickaha rajona Viciebskaj vobłaści, jakomu vystaŭlenaje abvinavačvańnie ŭ ździajśnieńni niekalkich złačynstvaŭ, paviedamiła aficyjny pradstaŭnik USK pa Viciebskaj vobłaści Śviatłana Sacharava.
17-hadovy małady čałaviek, znachodziačysia na vučobie ŭ Viciebsku, u studzieni bieź viedama svajoj dziaŭčyny skapijavaŭ i zapuściŭ na jaje mabilnym telefonie prahramu dla dostupu da asabistaj infarmacyi. Paśla čaho ź cikaŭnaści i reŭnaści na praciahu piaci miesiacaŭ atrymlivaŭ źviestki pra jaje miescaznachodžańnie, pierapisku (u tym liku ŭ miesiendžarach), razmovy, fajły, paroli da jaje akaŭntaŭ u sacsietkach. Abvinavačvany prymaŭ i pierachoplivaŭ kanfidencyjnyja danyja, kapijavaŭ ich na svoj telefon i noŭtbuk i vykarystaŭ u svaich metach, u tym liku paviedamlaŭ inšym. Pieryjadyčna jon błakavaŭ infarmacyju na telefonie dziaŭčyny.
Śledčyja kvalifikavali dziejańni niepaŭnaletniaha pa č. 2 art. 349 (niesankcyjanavany dostup da kampjutarnaj infarmacyi) i pa artykule 352 (niepravamiernaje zavałodańnie kampjutarnaj infarmacyjaj) KK RB.
Akramia taho, maładomu čałavieku vystaŭlenaje abvinavačvańnie pa č. 2 art. 218 KK RB — naŭmysnaje źniščeńnie i paškodžańnie majomaści, jakija paciahnuli pryčynieńnie škody ŭ značnym pamiery, učynienyja ahulnaniebiaśpiečnym sposabam.
Pavodle danych śledstva, u noč z 28 na 29 sakavika ŭ kvatery pa praśpiekcie Pieramohi ŭ Viciebsku, dzie pražyvała dziaŭčyna abvinavačanaha, byŭ ździejśnieny padpał. Ahoń paškodziŭ majomaść na sumu bolš za 4500 rubloŭ. Dziakujučy tamu, što śviedka zaŭvažyŭ ahoń i vyklikaŭ MNS, pažar nie raspaŭsiudziŭsia na susiednija kvatery.
Vynik kompleksnaj sudovaj psichołaha-psichijatryčnaj ekśpiertyzy śviedčyć, što ŭ čas ździajśnieńnia złačynstva chłopiec moh uśviedamlać faktyčny charaktar, hramadskuju niebiaśpieku svaich dziejańniaŭ i kiravać imi.
Papiaredniaje rasśledavańnie zavieršanaje. Materyjały spravy pieradadzienyja ŭ sud dla razhladu.
