iPhone 7 staŭ samym pradavanym smartfonam pieršaj pałovy 2017 hoda. Heta vynikaje sa spravazdačy analitykaŭ IHS Markit, paviedamlaje Phonearena.
Druhim pa papularnaści značycca iPhone 7 Plus. Zamykaje trojku lidaraŭ Samsung Galaxy Grand Prime Plus. Heta biudžetny piacicalevy smartfon z razroźnieńniem 540 na 960 piksielaŭ i koštam ad 130 dalaraŭ. Taksama ŭ piaciorku ŭvajšli iPhone 6s i Samsung Galaxy S8.
Adznačajecca, što pakazčyki iPhone 7 sioleta trochi horšyja, čym vyniki iPhone 6s za anałahičny pieryjad minułaha hoda. Analityki dadali, što z kožnym hodam dola rynku Apple pamianšajecca. Tak, kali paraŭnoŭvać pieršuju pałovu 2015, 2016 i 2017 hadoŭ, to dola rynku iPhone źniziłasia spačatku z 10 da siami pracentaŭ, a potym naohuł da piaci. Anałahičnaja situacyja nazirajecca i ŭ Samsung.
Usiaho ŭ dziasiatku ŭvajšli piać smartfonaŭ ad Samsung, čatyry ad Apple i tolki adzin ad kitajskaj kampanii Oppo.
