Ministerstva zamiežnych spraŭ Ukrainy padkreślivaje, što Ukraina nikoli nie budzie handlavać ułasnaj terytoryjaj i svabodaj. Pra heta havorycca ŭ zajavie, apublikavanaj na sajcie MZS, piša UNIAN.
«Va Ukrainie z abureńniem uspryniali vykazvańni prezidenta Čechii Miłaša Zemana ŭ čas jaho vystupu 10 kastryčnika na siesii Parłamienckaj asamblei Rady Jeŭropy», — havorycca ŭ zajavie.
«Sproba prapanavać nie tolki supakajeńnie ahresara, ale i lehitymizacyju anieksii AR Krym šlacham «prodažu» častki našaj terytoryi źjaŭlajecca absalutna nieprymalnaj dla sučasnaj Jeŭropy. Ciažka pavieryć, što my heta čujem ad prezidenta krainy, jakaja stolki pakutavała ad Miunchienskaj zmovy», — zajavili ŭ MZS.
«Va ŭmovach, kali tysiačy ŭkraincaŭ zahinuli ad ruk rasijskich akupantaŭ, dziasiatki tysiač ukraincaŭ i krymskich tataraŭ pieraśledujucca akupacyjnym režymam, hetaja prapanova vychodzić za palityčnyja ramki i źjaŭlajecca adkrytym cynizmam», — adznačajuć va ŭkrainskim źniešniepalityčnym viedamstvie.
«Ukraina nikoli nie budzie handlavać svajoj terytoryjaj, svaimi kaštoŭnaściami i svajoj svabodaj», — padkreślili ŭ MZS.
«Razam z tym, va Ukrainie vysoka ceniać važkuju padtrymku i salidarnaść ŭrada Čechii i češskaha naroda, jakija vyjaŭlajucca ŭ kankretnych spravach i praktyčnaj dapamozie. Jarkim prykładam hetaha źjaŭlajecca niadaŭni vizit delehacyi Sienata Češskaj Respubliki na Danbas», — reziumavali dypłamaty.
