U Lidzie chłopiec streliŭ sabie ŭ hałavu z baćkavaj strelby i zastaŭsia žyvy, paviedamlaje pres-słužba UUS Hrodzienskaha abłvykankama. Incydent adbyŭsia ŭ pačatku žniŭnia.
«Strelbu baćka pakinuŭ la pryparkavanaj kala doma mašyny, kali pryjechaŭ pa svaje rečy ŭ dom byłoj žonki. Miž niekali blizkimi ludźmi znoŭ raspačałasia svarka. Pakul jany vyśviatlali adnosiny, 22-hadovy syn zabraŭ vintoŭku i pajšoŭ ź joj u haraž, dzie i vystraliŭ sabie ŭ hałavu. Małady čałaviek atrymaŭ ciažkija cialesnyja paškodžańni, ale cudam zastaŭsia žyvy. Pry hetym, jak akazałasia, da hetaha chłopiec trapiŭ u vielmi surjoznaje DTZ. Jamu šancuje», — raskazaŭ pieršy namieśnik načalnika Lidskaha RAUS Ivan Daŭlud.
U dačynieńni da baćki zaviedzienaja kryminalnaja sprava pa art. 300 (nienaležnaje zachoŭvańnie ahniastrelnaj zbroi) KK Biełarusi.
***
Na telehram-kanał «Našaj Nivy» možna padpisacca tut.
