Karystalniki internetu pa ŭsim śviecie paviedamlajuć ab niepaładkach u pracy Facebook, piša Dailystar.
Zboj prajaŭlajecca i ŭ mabilnych dadatkach. Bolšaść karystalnikaŭ paviedamlajuć ab «poŭnym adklučeńni». Jany adznačajuć, što sajt nie zahružajecca i što jany nie mohuć uvajści ŭ svaje ŭlikovyja zapisy.
U cełym karystalniki pakidajuć roznyja paviedamleńni pra pamyłki. Niekatoryja śćviardžajuć, što sajt nie pracuje dla absłuhoŭvańnia, u toj čas jak u inšych staronka zastajecca pustoj.
Pamyłka pryviała da taho, što karystalniki nie mohuć dzialicca spasyłkami abo publikavać artykuły.
Sajt Down Detector, jaki vymiaraje zhadki vakoł peŭnaj temy dla adsočvańnia zbojaŭ pa ŭsim śviecie, pakazvaje tysiačy karystalnikaŭ, jakija paviedamlajuć ab prablemach.
Adzin z karystalnikaŭ apublikavaŭ paviedamleńnie, ź jakim jon sutyknuŭsia: «Facebook chutka vierniecca. Dziakuj za vašu ciarplivaść, my palapšajem sajt».
U Facebook pakul aficyjna nie prakamientavali situacyju.
