17 kastryčnika Biełaruś z rabočym vizitam maje naviedać kamisar ES pa jeŭrapiejskaj palitycy susiedstva i pašyreńnia Johanes Han, piša Radyjo Svaboda.
Jak paviedamiŭ 12 kastryčnika na bryfinhu pres-sakratar MZS Biełarusi Dźmitryj Mirončyk, jeŭrakamisar sustreniecca ź ministram zamiežnych spraŭ Uładzimiram Makiejem. Baki abmiarkujuć pierśpiektyvy ŭzajemadziejańnia Biełarusi ź Jeŭrasajuzam u roznych śfierach i padrychtoŭku da samita «Uschodniaha partniorstva», jaki projdzie 24 listapada ŭ Bruseli.
Taksama, pavodle Dźmitryja Mirončyka, u jeŭrakamisara Hana zapłavavany taksama šerah inšych sustreč. Na ŭdakładnialnaje pytańnie žurnalistaŭ, ci ŭvachodzić u hety šerah sustreča z kiraŭnikom dziaržavy, Mirončyk skazaŭ, što žurnalisty pavinny viedać, kamu treba zadavać takoje pytańnie, mabyć, majučy na ŭvazie, što heta pytańnie da pres-słužby prezidenta Biełarusi.
17-ha kastryčnika ŭ Minsk taksama prybyvaje ambasadar Ministerstva zamiežnych spraŭ Francyi pa pravach čałavieka Fransua Krokiet.
