Dziaržaŭtainśpiekcyja Biełarusi płanuje jak maha chutčej syści ad papiarovych pratakołaŭ i značna pavysić apieratyŭnaść raboty inśpiektaraŭ. Pra heta siońnia zajaviŭ žurnalistam načalnik upraŭleńnia Dziaržaŭtainśpiekcyi MUS Dźmitryj Karziuk, paviedamlaje BIEŁTA.
«Dziaržaŭtainśpiekcyja pastajanna viadzie rabotu pa ŭdaskanaleńni dziejnaści svaich padraździaleńniaŭ. U stahodździe novych technałohij my taksama imkniomsia iści napierad. Ciapier adno z asnoŭnych pytańniaŭ, nad rašeńniem jakoha pracujem, — jak maha chutčej syści ad papiarovych nośbitaŭ, jak maha mienš marnavać čas na składańnie administracyjnych materyjałaŭ», — padkreśliŭ Dźmitryj Karziuk.
Adna z hałoŭnych zadač DAI — stvaryć najbolš spryjalnyja ŭmovy dla ruchu. Važna pravilna jaho arhanizavać i biezdakorna vybudoŭvać uzajemaadnosiny z hramadzianami, dadaŭ jon.
