U Domie futboła adbyłosia pasiadžeńnie dyscyplinarnaha kamiteta i kamiteta pa etycy ABFF, jakija razhladali pytańnie pravamocnaści zajaŭki hałkipiera BATE Siarhieja Vieramko na matč 23 tura suprać «Słucka».
Jak pieradaje Tribuna.com, adzin z členaŭ DK ABFF Juryj Tałkačoŭ, vychodziačy z kabinieta dla pasiadžeńniaŭ, zajaviŭ ab tym, što BATE zaličanaje techničnaje paražeńnie 0:3 u matčy sa «Słuckam» za niepravamiernuju zajaŭku Siarhieja Vieramko.
U toj ža čas inšyja aficyjnyja asoby ABFF paprasili Tałkačova ničoha nie kazać pa hetym pytańni.
Aficyjna rašeńnie DK ABFF pa dadzienaj situacyi nie ahučanaje. Usie aficyjnyja ABFF asoby admaŭlajucca ad kamientaroŭ i nie nazyvajuć terminaŭ, kali takoje rašeńnie budzie apublikavanaje.
Nahadajem, 6 žniŭnia ŭ kancy hulni «Minsk» — BATE hałkipier barysaŭčan užyŭ fizičnuju siłu da Vitala Sievaśćianika. Vieramko byŭ dyskvalifikavany na piać matčaŭ i aštrafavany na 50 bazavych vieličyń (1150 rubloŭ).
5 matčaŭ «skončylisia» pierad pajadynkam 23-ha tura BATE — «Słuck» (23 vieraśnia), i Vieramko byŭ uniesieny ŭ jaho pratakoł. Adnak, zhodna z rehłamientam, «Kali časovaja dyskvalifikacyja supravadžajecca adnačasovym nakładańniem štrafu, to termin jaje dziejańnia aŭtamatyčna pradaŭžajecca da tych časoŭ, pakul nie budzie vypłačany štraf» (Artykuł 20, punkt 3 Dyscyplinarnaha kodeksa ABFF).
Jak paviedamlała finansavy dyrektar ABFF Alena Pietuchova, hrošy na raźlikovy rachunak pryjšli 27 vieraśnia. Pry hetym hałoŭny juryst ABFF Siarhiej Iljič paviedamiŭ, što Vieramko padaŭ kvitancyju ab apłacie štrafu, datavanuju 22 vieraśnia.
Adznačym, što ŭ BATE jość 10 dzion na padaču apielacyi. Kali rašeńnie DK zastaniecca ŭ sile, to vierchniaja častka tablicy čempijanatu Biełarusi paśla 24-ch turaŭ budzie vyhladać nastupnym čynam: «Šachcior» — 56 bałaŭ, «Dynama» Minsk — 52, BATE — 51, «Tarpieda-BiełAZ» — 41.
