8 kastryčnika na vuł. Jasienina narad patrulna-pastavoj słužby milicyi Maskoŭskaha RUUS źviarnuŭ uvahu na aŭtamabil BMV 525, u jakoha pry ździajśnieńni razvarotu zahłuch ruchavik, paviedamili ŭ HUUS Minharvykankama.
guvd.gov.by
Kali supracoŭniki milicyi spynilisia pobač, kab daviedacca, ci nie ci patrabujecca dapamoha, kiroŭca i pasažyr uciakli, kinuŭšy aŭto. Supracoŭniki milicyi źviazalisia z uładalnikam mašyny. Vyśvietliłasia, što aŭtamabil užo niekalki miesiacaŭ znachodziŭsia na stajancy, bo byŭ u technična niaspraŭnym stanie. Žančyna i nie padazravała, što jaje aŭtamabil sahnali.
U chodzie apieratyŭna-vyšukovych mierapryjemstvaŭ asoby školnikaŭ byli vyśvietlenyja. Paśla zatrymańnia jany rastłumačyli, što daŭno źviarnuli ŭvahu na aŭtamabil BMV, jaki stajaŭ na adnym miescy ŭžo niekalki miesiacaŭ, i vyrašyli, što jon nikomu nie patrebien. Chłopcy adčynili dźviery, u sałonie znajšli zapasny kluč, ale zavieści aŭtamabil nie zmahli: byŭ razradžany akumulatar. Zaradziŭšy akumulatar doma, jany niekalki dzion katalisia na skradzienym aŭto pa vulicach rajona.
U dačynieńni da dzieviacikłaśnikaŭ raspačataja kryminalnaja sprava pa č. 2 art. 205 KK RB. Chłopcam pahražaje až da 4 hadoŭ pazbaŭleńnia voli.
